姚樂怡家庭為重看劇本接戲

admin

                                                                    姚樂怡接受王凌燕專訪
                                                                                                                                    姚樂怡為角色素顏上陣
                                                                                                                                                                                     姚樂怡家庭為重看劇本接戲

    十年沒有拍劇的姚樂怡，最近在HOY TV首部原創劇《我愛九龍城》演出，她日前接受HOY主播王凌燕專訪，分享接拍原因。她說：“因為台前幕後都係識於微時，然後劇本感動，我好鍾意自己嘅角色。我係泰臣太太，劇中個名叫婉君，好似婉君表妹好溫婉，但並唔係，我喺劇中都幾霸氣。我以前喺九龍城豬肉檔太子女，監製話係豬肉檔公主，嫁咗畀泰臣，原來要管好多嘢，性格都變咗，照顧成頭家。”
    姚樂怡還為角色素顏上陣，她說：“開頭監製試造型嗰陣要整啲黑眼圈我嘆，佢話唔夠，要殘啲。（因為本身太靚，係點保養？）我真係唔懶，日日都敷面膜，我發覺皮膚好過啱啱生完小朋友。因為嗰陣乜都唔理，我唔拍嘢，因為要照顧個女，因為我個女細個容易病，佢好黐我，佢唔黐爸爸，唔黐任何人，我開頭訓練佢自己瞓，但係我又唔狠心。文頌嫻話你唔好理，你由佢喊，佢喊到攰就會瞓。所以佢個女好細個已經自己瞓，但係我做唔到，所以開頭湊佢嗰幾年我真係冇時間。”
    談到會否多拍戲？姚樂怡就說：“如果有好玩嘅角色我會拍，當然我有家庭，所以一定係家庭為先。”