敖嘉年奉旨與兩女“腳交”

admin

                                                                    敖嘉年、蘇韻姿、陳思圻接受潘紹聰訪問。
                                                                                                                                                                                     敖嘉年奉旨與兩女“腳交”

    HOY TV首部原創劇《我愛九龍城》開播在即，除了陳家樂與岑麗香外，另一重要角色就是敖嘉年。劇中敖嘉年周旋於陳思圻、蘇韻姿之間，佢呢日就帶同兩位劇中女友上鬼王潘紹聰嘅網台節目接受訪問，四人不約而同以黑白系列嘅服飾亮相，默契十足。
    原來潘紹聰喺《我愛九龍城》中都有客串一角，仲要突破自己做區議員角色，同敖嘉年有唔少對手戲，佢同嘉年又曾經於電台共事過，可謂識於微時。潘紹聰笑說：“我都係第一次做啲咁唔同嘅角色，仲要着西裝，真係好突破吓。”敖嘉年更爆公司有意再開不同的劇，拍攝不同的地方，鬼王亦表贊成。
    敖嘉年係劇中左右逢源，同陳思圻、蘇韻姿分別有唔少感情戲，佢哋就最難忘要三人同床嘅戲份。
    陳思圻嗔道：“我哋係用腳趾做戲，真係好特別。”敖嘉年就嘆道真係好攰：“我哋係腳交，用隻腳交流啊。”蘇韻姿自嘲在戲中是戀愛腦，簡直係迷戀敖嘉年。