李芷晴特殊學校教藝術

admin

                                                                    李芷晴出席“藝術啟夢計劃”記招
                                                                                                                                                                                     李芷晴特殊學校教藝術

    經典長劇《愛 · 回家之開心速遞》停播在即，藝人李芷晴雖然依依不捨，日前仍出席“藝術啟夢計劃”記者會，接受邀請出任和豐藝術啟夢大使，親身到香港紅十字會旗下特殊學校教授藝術相關課程，望透過活動為學生提供多元的創作機會。
    雖然劇集停播在即，李芷晴仍忙於劇集拍攝工作，亦在籌備即將教班的教材：“我覺得兩份工作真係好唔同，做演員可能除咗要熟讀劇本、磨練演技同埋臨場嘅應變，仲可能需要接受大眾嘅評價。老師就要好好照顧學生，準備好教材，而且一樣會有好多唔同嘅突發狀況，所以我覺得係各有各嘅難處，但係亦都會各有各開心嘅地方。”
    貴為女神的李芷晴“華麗轉身”做老師，勢必深受“爸爸”歡迎親身接送返學：“哈哈！咁又唔會嘅，不過以前教畫嘅時候，我嘅衣着打扮都會盡量樸素啲、斯文啲，符合返一個教師嘅感覺，最重要係受學生歡迎，以前啲學生見到我都好開心。”
    今次李芷晴做義工教藝術，她想邀請最強CP焦浩軒幫忙，但未知對方檔期安排：“我都希望自己嘅另一半係有愛心同埋耐性會高啲，如果大家一樣都咁有愛心，咁可能會有更加多嘅共同話題，最緊要係大家嘅價值觀吻合。”