蘇雅琳新歌MV邀劍神客串

admin

                                                                    蘇雅琳與蔡俊彥首度合作
                                                                                                                                                                                     蘇雅琳新歌MV邀劍神客串

    樂壇女子組合COLLAR成員蘇雅琳(Ivy)，繼三月推出單曲《給你一隻大口仔》後，前日再推出情歌《原地拖手》，演繹暗戀的情懷及心情。今次MV更邀請了本年度宣佈進軍樂壇、港隊劍神蔡俊彥(Ryan)上陣客串。
    新歌《原地拖手》由舒文監製、吳林峰作曲、Ivy親自填詞，描繪一個女仔暗戀一個男仔時的狀態：天馬行空所想的情景，以及帶有心動亦自感“諗多咗”的矛盾心情。蘇雅琳表示今次歌曲有別於平時要傳遞訊息，今次沒有觀點、沒有睇法與期望，純粹講暗戀感覺。問到雅琳現實可有曾暗戀他人？她大方地說：“梗係有！小學暗戀過一個孖仔嘅哥哥，佢係足球隊隊長，好Charm，不過升中之後就冇見。”
    新歌MV請來劍神蔡俊彥(Ryan)客串，對於二人首度合作，雅琳表示：“其實同Ryan上星期先認識，幾開心，大家都係二六年嘅新人，平時都有留意對方，好開心可以合作。我話畀阿媽知同Ryan合作，阿媽都好開心；幾有趣，平時電視見到佢，同現實見到佢有啲唔同，佢平時做媒體訪問好搞笑、好直接，現實見佢，有啲內斂，都幾Cute。”