羅沛琪冀做評審毒舌參賽者

admin

                                                                    羅沛琪為歌唱比賽擔任司儀
                                                                                                                                                                                     羅沛琪冀做評審毒舌參賽者

    藝人羅沛琪(Pinky)日前出席由慈善團體“築子林慈善基金會”主辦的《築夢好聲音歌唱比賽》擔任司儀，她希望可以擔任比賽評審，盡情向參賽者“毒舌”：“其實自己睇電視時，都會去評吓啲參賽者，今日見到有啲學生參賽，真係好青春，我反而替佢哋緊張！我自己都係過來人，識得點揀歌係好緊要嘅，如果揀啲太挑戰、太難度嘅話，我又覺得有啲危險。”
    提到早前羅沛琪不適入院，佢表示現已康復，仲勁Sweet大讚老公細心照顧：“其實係嗰個腰骨問題，我嘅盆骨移位，可能成日做嘢着高踭鞋，成個人都好痛，加上當時持續發高燒到四十度，要臥床留醫好一段時間。（老公照顧你？）當然係啦，佢都夠晒細心嘅！（盆骨受傷會唔會影響未來生小朋友？）啋過你咩！冇事！今次大病之後，好多客戶都體諒我要時間休息，都知道我唔可以着高踭鞋，佢哋都肯遷就我的時間。”