譚凱琪拍得逼真女兒爆喊

admin

                                                                    譚凱琪在《俠醫》中演自閉症
                                                                                                                                                                                     譚凱琪拍得逼真女兒爆喊

    無線熱播劇《俠醫》今晚將播出最後一集大結局，劇中譚凱琪(Zoie)飾演的角色穎茵患有自閉症，網民對其有讚有彈。但隨着劇情發展白熱化，Zoie角色亦愈來愈入屋。
    尤其前晚一集，穎茵行蹤外露後、由於知道自己深陷險境、全程表現得相當焦慮無助兼驚恐失措、並一度急趕至跑甩鞋兼跌落地。由於穎茵不太懂得照顧自己，故逃避“追殺”時只懂躲在盆栽堆中抱頭痛哭；該場喊戲Zoie不但全程像開了水喉般淚如泉湧，聲音也因驚恐而變得顫抖，演繹自然又可憐，令不少網民看畢大表心痛。
    監製陳萍亦大讚Zoie交足戲：“拍呢段嗰日其實好熱好曬，Zoie仲要長期好緊張、好無助，我喺現場睇到好肉痛。”搞笑的是，由於Zoie被丁子朗“追殺”一幕拍得太逼真，Zoie女兒追劇時，一度因為擔心媽咪安危而爆喊。Zoie事後接受訪問時笑言：“佢見到丁丁襲擊我好驚，係都要攬住我；然後瞓覺嗰陣，佢又一路攬實我、問我點解畀人襲擊，又問我點解要匿喺個咁多人會見到嘅地方咯。”