姜大衞打麻將拍得過癮

admin

                                                                    譚俊彥與姜大衛有講有笑
                                                                                                                                    《麻雀樂團》花車巡遊宣傳劇集
                                                                                                                                    眾演員出席《麻雀樂團》宣傳活動
                                                                                                                                    胡敏芝與郭柏妍齊齊忘記搽防曬
                                                                                                                                                                                     花車巡遊宣傳劇集

    姜大衞打麻將拍得過癮

    譚俊彥(Shaun)、姜大衞（John哥）、郭柏妍、胡敏芝、黃庭鋒、何啟南、黃洛妍、廖家爵及監製羅永賢，前日出席劇集《麻雀樂團》之“樂動全城”花車巡遊，大隊由灣仔金紫荊廣場出發，途經灣仔、旺角及尖沙咀，期間眾演員亦有大派飲品及紀念品，吸引不少途人上前索取。

    近日譚俊彥爸爸狄龍罕有回應與姜大衛不和傳聞，又指姜大衛是他“永恆的朋友”，John哥也曾講過跟狄龍是“道不同”。然而傳聞未有影響阿Shaun與John哥的合作關係，二人宣傳時亦有講有笑，並一起接受訪問。另外，John哥指今次拍得很過癮，因可攞正牌打麻將。阿Shaun謂John哥也有教他打牌手法，又透露John哥曾因流感中招，本還想開工但被監製叫他休息。John哥指因以前沒太多娛樂，所以也有跟沈殿霞一起打牌，不過後來就不敢打：“因為愈打愈大，唔關輸贏事，覺得唔係幾好，當時七十年代，一場幾萬文。”
    郭柏妍(Rosita)與胡敏芝齊聲表示忘記搽防曬才出發，不過Rosita表示還是首次做花車巡遊宣傳，感覺得意又新奇。胡敏芝笑言難得天晴，感覺似在做運動。
    昨日天氣炎熱還要坐露天巴士巡遊，問到她們可有被熱溶，Rosita表示幸好有粉絲送上飲品。她又透露近日因為吃得多，都有做運動減肥，亦會同家人及女性朋友去跑步及行山。
    胡敏芝就表示剛與男友一齊去了歐洲旅行一個月，因之前拍完綜藝之後，發覺自己眼界不夠。問到與男朋友相對一個月可有鬧交，敏芝笑說：“男友係我初戀男友，我哋係大學開始，一齊七年，已經鬧晒要鬧嘅交，加上老咗，已經冇力鬧交，（有冇想過在當地結婚？）我仲後生，完全冇諗過結婚。”