PER SE夥晚安莉莉開戶外騷

admin

                                                                    組合PER SE演唱會海報
                                                                                                                                                                                     PER SE夥晚安莉莉開戶外騷

    組合PER SE將與特邀嘉賓組合晚安莉莉，將於六月二十七日，假Backyard@AXA WONDERLAND開騷。
    PER SE未開騷先興奮，表示將會彈足成日，希望粉絲聽完夠晒Chill：“今次畀觀眾其中一個驚喜，就係我哋有一首新歌推出，以依家計劃嚟講，應該係先演唱、再派歌，所以到時嚟嘅觀眾，應該係‘宇宙第一次’聽呢首歌。同埋始終都係兩隊Band嘅騷，一定會有驚喜。”
    PER SE還非常貼心提醒樂迷飲夠水先入場，做足防曬準備享受初夏音樂盛宴：“做戶外騷最勁就係有風景睇，同埋音樂聲會自然好多。咁我哋彈彈吓就會見到日落、入黑，再進入到Night Time。”
    今次PER SE開騷邀請到晚安莉莉做嘉賓，PER SE表示因為大家都鍾意日本音樂，台上表演時會更有感覺：“到底我哋會唔會合唱或者Cover，咁真係要嚟睇先知喇。我哋對呢件事都非常之認真，唔會就咁你彈你、我彈我咁樣個狀態。同埋今次難得係一個戶外騷，我哋都特別設計咗一個歌單係啱Outdoor聽。”