胡楓95歲開騷挑戰世界紀錄

admin

                                                                    修哥演唱會Band房彩排大合照
                                                                                                                                    陳欣健、胡楓、肥媽及Joe彩排合影。
                                                                                                                                    張與辰、黃博與劉洋出席彩排。
                                                                                                                                    胡楓透露部分嘉賓名單
                                                                                                                                                                                     演唱會門票售罄

    胡楓95歲開騷挑戰世界紀錄

    將於本周日（六月七日）下午三時三十分，在紅館舉行的《修哥九五至尊無限楓騷演唱會》門票經已全部售罄，屆時全場觀眾和一眾嘉賓歌手為胡楓（修哥）打氣，一起見證即將九十五歲的修哥挑戰《舉辦演唱會最年長華語藝人》之世界紀錄。

    日前修哥聯同陳欣健(Philip)、Joe Junior、肥媽Maria Cordero、《中聲3》的黃博、張與辰、劉洋、《聲秀》的馮熙燮、柯雨霏、胡子貝到Band房彩排。修哥表示很開心：“得到咁多朋友支持，令我喜出望外，有啲估唔到嘅嘉賓都會嚟，真係Very Good！主辦單位成日搞神秘，問佢有乜嘉賓佢哋又話未定，結果一個禮拜前終於知道嘉賓名單，除咗有今日嚟Band房彩排嘅朋友之外，仲有莫文蔚、楊千嬅、Big Four、草蜢同周柏豪，就講住咁多先。”肥媽說：“我今次有份唱已經好開心，我間唔中都有同Joe合作，但Philip就真係好多年都冇同台演出。”陳欣健笑回：“因為我冇參加中年好聲音。”肥媽即時問他甚麼時候來做評判，陳欣健說：“唔使做評判，我而家成熟咗可以嚟唱，起初主辦方叫我做修哥嘉賓，我以為佢叫我嚟跳Cha Cha，大家都知修哥係舞王，好彩最後係叫我唱歌，所以終於冇晒壓力。”Joe：“修哥千祈唔好叫我跳Cha Cha，我剩係識跳扭腰舞，不過今次有得唱真係好開心，當我知道主辦單位邀請我嗰一刻，我即刻話畀老婆知。”
    《中聲3》三位歌手也表示相當興奮，黃博說：“修哥係我哋嘅榜樣，我最深刻就係修哥扮嘅財神，今年好幸運可以係修哥手上面攞到利市。今次可以加入呢個Party，見證修哥挑戰世界紀錄，真係非常之開心。”張與辰笑說：“今次好想挑戰修哥跳舞，同修哥佢一齊跳Cha Cha都應該好正。小學嗰陣就已經有睇過修哥嘅影視作品，覺得修哥係一個好敬業同埋好有毅力嘅藝人，所以真係值得大家學習。”劉洋：“一直以嚟都睇過好多修哥嘅影視作品，可以參與今次演出真係覺得好榮幸。”