陳詠詩怕畀街坊認出

admin

                                                                    陳詠詩：呢個禮拜低調啲
                                                                                                                                    出爐港姐近日密密領獎
                                                                                                                                    施宇琪身體不適未有受訪
                                                                                                                                    幾位當選佳麗又病又攰
                                                                                                                                                                                     當選後素顏出街戴口罩

    陳詠詩怕畀街坊認出

    昨日，香港小姐冠軍陳詠詩、亞軍施宇琪、季軍袁文靜及最上鏡小姐暨友誼小姐李尹嫣等，到尖沙咀出席領獎活動，一臉倦容的施宇琪因身體不適而未有接受訪問。冠軍陳詩詠表示當選後最重要是護膚，因決賽完之後皮膚都有點攰，盡量早晚敷面膜。

    陳詩詠被問現時出街是否都要化妝，她笑說：“出門口都有搽遮瑕，平時出街都有帶口罩。（對自己素顏冇信心？）其實我比較喜歡素顏，就算化咗妝都帶口罩，係怕畀人認到。呢個禮拜低調啲，都有試過畀人認出，自己都會認。”
    談到工作，陳詩詠表示有興趣做主持工作，並透露公司都有安排，但要遲些公佈。問到是否關於全運會的工作，她說：“應該都有關係，都係好初步，想有興趣訪問運動員。”仍在攻讀博士學位的她，表示只要五年內完成研究計劃就可以。
    季軍袁文靜表示因本身皮膚比教敏感，會注重保濕，可以不化妝都不化妝，平日出街都會戴口罩，日前返深圳就有中學生認出她叫她名。日前她在社交網分享初次拍攝中秋節特輯，感覺好攰：“由下午兩點拍到第二日早上七點，不過唔止我攰，大家都好攰。因為拍通宵，要影夜晚月亮，雖然辛苦但好開心，所以冇被嚇怕，冇rap咁難，因為可以NG。我都好想rap，你可以問吓公司有冇機構畀我。”活動上她要以半鹹淡廣東話介紹產品，她笑言事前已練習，但仍很緊張。
    李尹嫣共獲兩份獎品，她表示會跟媽咪及朋友分享。之前一班港姐飯聚，問到是否由冠軍請客，她表示個個都有份請。談到早前苑琼丹在訪問中指她識占卜，李尹嫣否認識占卜，只是統計分析學，都是分析人的性格，有興趣都可以找她，不過她跟一班港姐很少傾到，都是傾扮靚。會否運用來識朋友？她笑說：“唔使用呢個識朋友，係用性格。”