劉偉強考慮設《頭文字D》館

admin

                                                                    劉偉強突襲《頭文字D》“金句放映場”
                                                                                                                                    觀眾請劉導簽名和合照，仿如簽名會。
                                                                                                                                                                                     劉偉強考慮設《頭文字D》館

    導演劉偉強日前突襲《頭文字D》“金句放映場”，齊嗌“我要買GTR”，4K修復及杜比全景聲版重映，即登港產片票房第一位。
    二十年前神片《頭文字D》重返大銀幕，寰亞電影推出“鬥爆金句場”，觀眾一齊狂拋對白，全場男觀眾齊講“我買咗件好性感嘅泳衣”，非常震撼。門票開賣即爆滿，反應熱烈，不停加場。
    劉偉強導演突襲其中兩場“金句場”，因為全院滿座，他只好偷偷坐在樓梯位，感受觀眾鬥講金句的威力。映後，劉導驚喜現身，觀眾爭相拋出心水金句“三萬文過夜”，亦有人邊講“我唔會輸畀同一個人Twice”邊做招牌動作，非常熱鬧。劉導說：“好開心，我知道有呢場‘金句場’，今日特登返嚟。我嘅金句係‘我要GTR’，當年拍呢套戲，我個仔十歲左右，佢睇完戲就不停話‘我要GTR’。嗰啲‘三萬文過夜’係你哋大人嘅金句！”
    亦有不少觀眾表示第一次入戲院睇《頭文字D》，有人即場要求劉導推出4DX版，他一秒答應，全場歡呼。他說：“明年呀，考慮緊整《頭文字D》館，有你哋講嘅感受。”
    散場後，觀眾排長龍請劉導在戲票和海報上簽名和合照，突然變成簽名會。