江美儀孖羅毓儀齊剪綵

admin

                                                                    江美儀與羅毓儀為新店剪綵
                                                                                                                                                                                     江美儀孖羅毓儀齊剪綵

    前日，視后江美儀和人氣女神羅毓儀(Yuki)齊齊出席新店開幕，並擔任剪綵嘉賓。活動後，她們即場向市民派發過百份大大袋的福袋禮物，吸引大批街坊打卡捧場，場面熱鬧。
    羅毓儀一向被人形容為童顏，她笑指自己的凍齡秘笈就係瞓：“我鍾意瞓覺，如果冇嘢做會瞓八至十個鐘，後尾發現原來瞓得多對皮膚、新陳代謝都好好；如果大家想凍齡就盡量唔好捱夜，瞓多啲；同埋平時做多啲運動，皮膚會好啲。”
    江美儀對美肌、健康都有自己的方式，但一切都很簡單，她說：“我覺得所有養生保健都係由你食啲乜嘢、做啲乜嘢先有咁嘅效果，我唔相信有個人咩都唔做可以Keep到靚，呢個世界只有懶女人，冇唔靚嘅女人，所有嘢要付出嘅，譬如我食嘢食得好清淡，我好少食濃味嘢，要運動要出汗。”江美儀皮膚緊緻，保養得宜，她更分享道：“要用啲冇刺激性嘅護膚品或者化妝品，同埋我自己有個習慣，唔使見人就盡量唔化妝，化妝品始終有少少化學物質會令到皮膚乾、色素沉澱；而做運動好緊要，出完汗個人好似換咗塊臉咁。”