劉偉強感激飄移車手搵命搏

admin

                                                                    AE86車迷與拓海粉絲搶住包場睇電影
                                                                                                                                    《頭文字D》導演劉偉強
                                                                                                                                    《頭文字D》二十周年電影海報
                                                                                                                                    劉導話拍攝時真係搵命搏
                                                                                                                                                                                     《頭文字D》二十周年重映

    劉偉強感激飄移車手搵命搏

    劉偉強與麥兆輝經典作品《頭文字D》，今年上映二十周年，世界各地“頭D迷”舉辦不同慶祝活動。香港作為電影的原產地，隆重其事，電影4K修復杜比全景聲九月十七日重返大銀幕。劉導非常滿意，讚嘆：“好自豪，點解二十年前拍到一部咁好睇嘅戲？真係搵命搏！”他坦言不會開拍續集。

    未上映先興奮，無論是正場預售，還是“頭D迷”、AE86車迷、拓海粉絲等包場都反應熱烈，甚至“鬥爆金句場”門票都火速爆滿，兩度加場，全城效應。劉導自豪地說：“一個日本漫畫嘅故事畀我哋拍，90%香港演員，結果超乎大家嘅想像，二十年後睇返都係咁好睇。今次4K修復版，提升畫質比以前嘅版本睇多好多嘢，聲音亦重新調整，感受好唔同，啲聲喺前後左右衝埋嚟，呢個係我最高興嘅效果。”他回味每一段配樂：“由開場，到周杰倫（飾演拓海）贏咗樂仔（余文樂飾演中里毅），每次重睇都好似歎緊老酒，好醇、好好飲。”他透露與星級配樂師陳光榮仔細調整配樂和車廂內外的引擎聲效，配合杜比全景聲後，感覺好正！
    “無論AE86、GTR、Evanlotion都有性格，我哋冇當佢哋係死物，當佢哋都係有血有肉嘅演員。睇返飛車場面，依家拍唔返，速度感同埋每個人與人之間嘅感情，係我哋團隊嘅驕傲。鏡頭穿過車轆到車廂，座山就拍到有生命嘅一樣，車路就好似血管流動。多謝當年一班日本飄移車手，每個鏡頭都係佢哋好用心、用精湛技術、用生命去同我哋搏返嚟，因為一個唔小心隨時就跌落山崖。”劉導表示每天開工前，工作人員來回山道仔細檢查地面有否碎石，以確保安全。
    據悉劉導專挑高危鏡頭親自揸機拍攝？他承認：“因為我知道我自己想點，準確拿捏。”拍攝前，演員要訓練、賽車要改裝，就連“主角”秋明山都妝扮一下，劉導說：“座山完全冇燈，於是我同美術、燈光組一齊研究，用雪糕筒、街燈、廣告牌、圍欄、光管，每一區用唔同嘅燈光效果區分，好似畫龍點睛，為一座黑鼆鼆嘅山添上生命。”